Blooming sa sobrang saya sa GF

[leidicamp]

Blooming sa sobrang saya sa GF, Luis may anniversary na kay Jennylyn
SHOWBIZ NEWS NOW NA! Ni Boy Abunda (Pilipino Star Ngayon)


Sa programang Kris TV kamakailan ay inamin ni Luis Manzano na mayroon na silang anniversary ng kasintahan na si Jennylyn Mercado. Ano na ba ang tunay na estado ng relasyon ngayon ng dalawa?

“Sabi ko nga life has its own way of surprising us pero we still have a long way to go. Kumbaga before we had our feet sa gray area, pero ngayon kumbaga we know where we stand,” seryosong pahayag ni Luis.

Naikuwento rin ng binata kung gaano kaespesyal ang araw kung kailan naging opisyal ang kanilang pag-iibigan.

“Kumakain lang kami eh, ano okay na? Okay na? It was a very nice moment. Medyo okay naman, kampante naman. Naniguro lang ’yon,” nakangiting kuwento ng aktor.

“’Di ba sinasabi nga nila when everyone’s asking ang sinasabi ko when the time comes mangyayari ’yun,” dagdag pa ni Luis.

Napawi ang lahat ng sakit na naramdaman ng binata sa kanyang buhay pag-ibig noon.

“Ayaw ko naman sabihin na, once I say na pain parang ang dami namang may atraso sa akin, hindi. Kumbaga sa lahat ng failed attempts but right now let’s say na it’s a very, very clean state with a very, very fresh start,” paliwanag ni Luis. Ipinagmamalaki rin ng binata ang lahat ng katangian ni Jennylyn na nakapagpapasaya sa kanya.

“She’s very, very malambing at very, very maalaga. She bakes and she cooks for me. Ako, mga once or twice lang yata ako nakapagluto sa kanya. Kahit gaano pa tayo katanda o ka-jaded sa pagmamahal, meron pa rin tayong inner baby na gustong inaalagaan,” pagdedetalye ng aktor.

Masayang-masaya si Luis ngayon sa takbo ng kanyang career, love life, at pamilya.

“It exudes ’yung aura mo, marami ang nagsasabi. Apparently blooming ako. So I guess ’yung happiness na ’yun it translates to how I am, how I act, how I talk, it gives you that extra oomph, extra gusto,” pagtatapos ni Luis.


here's the complete link
www.philstar.com/Article.aspx?articleId=750310&publicationSubCategoryId=96

[nicky]

Jennylyn Mercado on Luis Manzano announcing they're now an item: "Hindi rin ako handa!"



ahil sa kanyang lagnat at ubo ay hindi nakapag-report si Jennylyn Mercado sa kinabibilangan niyang showbiz talk show sa GMA-7, ang Showbiz Central, kahapon, November 20.

Dapat kasi ay live ding magpapa-interview si Jennylyn kaugnay ng pag-amin ni Luis Manzano tungkol sa kanilang relasyon.

Matatandaang sa panayam ng PEP.ph (Philippine Entertainment Portal) kay Luis ay sinabi nitong: "Oo, kami na."

Pero dahil nagkasakit nga si Jennylyn, via phone patch na lang siyang kinausap ng kanyang co-hosts sa programa na sina John "Sweet" Lapus, Pia Guanio, Rufa Mae Quinto, at Raymond Gutierrez.

Una munang tinanong kay Jennylyn kung dinalaw na ba siya ni Luis ngayong maysakit siya.

Saad ng actress-singer, "Wala siya ngayon, e, parang three days na siyang nasa Taiwan.

"Pero nangangamusta naman siya pagka ano, tumatawag naman siya."

Pinag-usapan ba nila ang pag-amin ni Luis na may relasyon na nga sila?

"Hindi namin napag-usapan.

"Nagulat lang din ako na sinabi niya sa akin na sinabi niya na, pero hindi detailed so...

"Basta lumabas lang siya sa isang show, so parang napag-usapan na nga yung formality.

"So, iyon, nai-open lang niya sa akin.

"Hindi rin ako handa!" ang natatawang sabi ni Jennylyn.

Hindi raw napanood ni Jennylyn ang ginawang pag-amin ni Luis, tinawagan lang daw siya ng TV host-actor pagkatapos ng ginawang pag-amin nito.

Ano ang naging reaksiyon ni Jennylyn sa pag-amin ni Luis?

"Wala, e, nandiyan na 'yan, e, wala na naman akong... hindi na naman niya puwedeng bawiin iyon, di ba," at muling tumawa si Jennylyn.

Dagdag pa niya, "So, okay lang din naman sa akin."


LUIS'S FAMILY. Nag-congratulate na ba sa kanya ang ina ni Luis na si Governor Vilma Santos?

"Hindi pa kami ulit nagkakausap," sagot ni Jennylyn.

Sa ginawang pag-amin ni Luis, sinabi nito na isa sa mga bagay na naa-appreciate niya ay ang magandang pagtanggap sa kanya ng pamilya ni Jennylyn.

Si Jennylyn ba ay nakapag-spend na ng time kasama ang family ni Luis?

"Ngayon hindi pa, hindi pa talaga," aniya.

May plano ba na makilala niya ang ama ni Luis na si Edu Manzano, o maka-bonding niya si Governor Vi?

"Wala pa, wala namang ganung mga plano pa."


NO DETAILS. Kailan ba niya talaga officially sinagot si Luis?

"Hindi ko na idedetalye 'yan, ayoko nang idetalye 'yan," iwas ni Jennylyn.

Dagdag niya, "Basta ang importante, masaya, masaya kami tsaka okay ang lahat, maganda ang takbo ng lahat."

Bakit tila may pag-aalinlangan si Jennylyn na pag-usapan ang tungkol sa kanila ni Luis?

"Wala naman, kaya lang, siyempre, para sa akin uncomfortable na pag-usapan yun.

"Kasi as much as possible, ayoko nang masyadong idetalye, ayoko lang masyadong...yung masyado lang maingay, ganyan.

"Kasi gusto rin naman namin ng privacy kahit konti, iyon. Yun lang!

"Pero hindi naman namin ipinagdadamot."


NOTHING HAS CHANGED. Ngayong officially ay mag-on na sila, meron bang mga nagbago na bonding sessions nila?

Meron ba siyang mga bagong nadidiskubre kay Luis?

"Wala namang nagbago, ganun pa rin naman.

"Pero ang masasabi ko lang, parang mas nagiging masaya lang kasi mas marami kaming napag-uusapan, mas marami kaming...

"Sobrang pareho kami ng hilig, e, kasi ang dami naming similarities.

"So, iyon, mas masaya lang yung araw-araw, yung halos araw-araw na magkakasama kami.

"Marami kaming nadi-discover, marami kaming napagtatawanan, napag-uusapan.

"So, masaya lang yung pakiramdam."


TITO LUIS. Kumusta naman ang relationship ni Luis at ng anak ni Jennylyn na si Alex Jazz? Ano ang tawag ni Jazz kay Luis?

Sagot ni Jennylyn: "Tito.

"Siyempre, pag pumupunta siya sa bahay, nakikita niya siyempre si Jazz, naglalaro sila."

PEP, Rommel Gonzales, Monday, November 21, 2011 08:34 PM

[nicky]

PART 1. Governor Vilma Santos on son Luis Manzano's relationship with Jennylyn Mercado: "Matagal ko na rin namang alam, kaya lang I kept my mouth shut..."



BATANGAS FOUNDATION DAY. Sa first week ng December ay gaganapin din ang 430th foundation day ng lalawigan ng Batangas.

Banggit nga ni Governor Vi, "One week ang celebration ng foundation day ng Batangas.

"Walong araw na activities yun, pero December 7 ang pinakabongga kasi sina Ruffa [Gutierrez] and Luis [Manzano, Ate Vi's son] ang mga host.

"It is going to be a big celebration, mga mayors kasama sa mga magsasayaw.

"Kumbaga, maganda yun kasi yung camaraderie rin naming mga leaders ng Batangas, ipinapakita rin namin na kahit magkakaiba kami ng partido, may pagkakaisa kami.

"Lahat naman sila, they are all showing their support sa akin and participation.

"First time ito sa buong lalawigan at kasama ang lahat ng mga mayors, so maganda."


ATE VI'S BIRTHDAY. Ikinuwento rin ni Ate Vi sa PEP ang naganap na simple ngunit memorable na selebrasyon para sa kaarawan niya noong November 3.

Kuwento ng 58-year-old actress, "Nag-birthday ako doon sa Phuket... It's not a birthday party na talagang bonggang-bongga.

"It is more a family affair, pero si Lucky [palayaw ni Luis] lang nga ang kulang.

"More on family, for a change, intimate dinner. Happy naman ako.

"Then, binigay ni Ralph yung regalo niya sa akin, isang diamond necklace.

"Tapos, mga kapatid ko, nagbigay din ng regalo.

"Si Ryan, may regalo rin sa akin na lipstick.

"That was a night before my bday, pero the next day, birthday ko mismo, sinorpresa nila ako at binigyan nila ako ng four seasons cake.

"So, masaya. It is more simple, kasama mga mahal ko sa buhay.

"Si Lucky, nagte-text lang kami.

"But even before my birthday, sinabi niya sa akin na dadalhin sa bahay yung gift niya.


LUIS & JENNYLYN. Speaking of Luis, ipinahayag na ng panganay na anak ni Ate Vi na opisyal na nitong kasintahan ang Kapuso star na si Jennylyn Mercado.

Ano ang reaksiyon ni Ate Vi tungkol dito?

Aniya, "Matagal ko na rin namang alam, kaya lang I kept my mouth shut tungkol sa bagay na 'yan.

"Ang anak ko naman, wala namang inililihim sa akin 'yan; and Jen naman is a nice person.

"Ayoko lang yung manggaling pa akin. I mean, yung mag-expose na kung anuman ang status ng relationship nila.

"Relationship nila yun kaya it should come from them.

"So, pagkakaalam ko, personally, walang inilihim ang anak ko—even si Jen din."

[parts related solely to Ate Vi were omitted]

PEP, Jimi Escala, Monday, November 21, 2011 02:10 PM

[nicky]

Dennis has nothing to say about Jennylyn

Off cam, he’s rumored to be playing beautiful music with Bianca King after they did “Sinner or Saint.” “But it’s not true. Bianca and I remain good friends after working together, pero hindi kami committed sa isa’t isa. Wala muna akong karelasyon.”

His last ex, Jennylyn Mercado, has now officially admitted she’s on with Luis Manzano, while the mother of his son, Carlene Aguilar, has just given birth to another child with husband Yo Ocampo. What can he say about this? “Wala. Di mabuti. I wish them all well. As for me, hindi naman ako malungkot dahil wala akong girlfriend. Normal pa rin ang buhay ko. Tahimik. Walang problema kasi career lang ang inaasikaso ko.”

PEP, Monday, November 21, 2011, Mario Bautista

[nicky]

Naunang inamin ni Luis Manzano na on na sila ni Jennylyn Mercado at no choice ang huli kundi umamin na rin. Nagulat daw siya dahil hindi nila pinag-usapan ang pag-amin. Hindi na sinagot ni Jennylyn kung kailan sila naging item ni Luis.

“Ayaw kong idetalye, importanteng masaya kami at maayos ang takbo ng lahat. Uncomfortable akong pag-usapan, pero hindi naman pagdadamot ’yun.”

Online Journal, 11/22/2011, Nitz Miralles

[nicky]

HARSH PREDICTION ON LUIS-JENNYLYN ROMANCE

JENNYLYN Mercado and Luis Manzano have admitted they’re now committed to each other. Luis was the one who confessed first when someone asked him about it: “Oo, kami na.”

Jen was interviewed in “Showbiz Central” last Sunday via phone patch. She’s absent as one of the show’s host as she has fever from cough and colds. “Yes, may formality na ang relationship namin. Masaya kami. Nagtutulungan.”

They became officially on this month but they won’t reveal the exact date. “Para may konting privacy pa rin kami,” she says.

The admission came just after Luis’ ex, Angel Locsin, also admitted that she’s now playing beautiful music with Azkal Phil Younghusband. Folks say that Jen, a single mom, is very lucky (pun intended) to have a certified “binata” like Luis. But less optimistic folks are giving them one year. They say just like Jen’s track record with her past boyfriends (Mark Herras, Patrick Garcia, Andrei Dionisio and Dennis Trillo), this one also wouldn’t last. Come on, guys, don’t be so harsh, let’s give them a chance.

Online Journal, Mario Bautista, 11/22/2011

[nicky]

Jennylyn Mercado refuses to detail her romance with Luis Manzano



MANILA, Philippines - For Jennylyn Mercado, it’s more than enough that Luis Manzano has admitted publicly that they are a couple.

Refusing to reveal the date she said yes to him, Jennylyn said in a phone-patch interview, “Alam mo hindi ko na idedetalye ‘yan. Ayoko nang idetalye.”

What’s important, Jennylyn stressed on “Showbiz Central,” Nov. 20, is “masaya kami,” “okay ang lahat” and “maganda ang takbo ng lahat.”

The actress and now TV host was surprised at Luis’ public admission about their relationship.

“Hindi namin napag-usapan. Nagulat na lang din ako na sinabi na niya pero hindi detailed. Basta lumabas lang siya sa isang show so parang napag-usapan na lang ‘yung formality. Nai-open lang niya sa akin. Hindi rin ako handa.”

The actor’s admission, however, suited Jennlyn just fine.

“Wala. Eh, nandiyan na ‘yan, eh. Hindi naman niya puwedeng bawiin ‘yon. Okay lang naman sa akin.”

Jennylyn said she’s not talked to Governor Vilma Santos or Edu Manzano after Luis’ public disclosure.

“Hindi pa kami nagkakausap,” she quipped adding that she has not spent enough time with the actor-host’s family.

“Ngayon hindi pa, hindi pa talaga.”

Jennlyny was asked why she seemed to have reservations talking about her relationship with Luis.

“Wala naman, kaya lang siyempre para sa akin uncomfortable na pag-usapan ‘yun kasi as much as possible ayoko nang masyadong idetalye. Ayoko nang masyadong maingay kasi gusto rin naman namin ng privacy kahit konti. ‘Yun lang. Hindi naman namin ipinagdadamot [ang aming relasyon].”

Now that they’re already a couple, Jennylyn shared, “Wala namang nagbago. Gano’n pa rin naman. Pero ang masasabi ko lang, mas nagiging masaya lang kasi mas marami kaming napag-uusapan. Mas marami kaming… sobrang pareho kami ng hilig kasi ang dami naming similarities. Mas masaya lang ‘yung halos araw-araw na magkakasama kami, eh, marami kaming nadi-discover, napagtatawanan, napag-uusapan. Masaya lang ‘yung pakiramdam.”

She reiterated, “Masaya kami at saka… basta happy na kami. Saka me ano na, meron na kaming formality.”

Jennylyn admits that Luis proved to be a big help in her newfound career as TV host.

“Ang laki ng naitulong niya sa pagbi-build ng self-confidence ko. Para mahasa ko pa lalo ‘yung mga talents ko lalo na sa hosting. Hindi naman talaga ko host pero nando’n siya para turuan ako, alalayan din ako. Nagbibigay siya ng mga tips and advice.”

She reveals that her son Alex Jazz calls Luis “tito” and they get along well.

“Siyempre pag pumupunta [siya] sa bahay nakikipaglaro [siya kay Alex Jazz]. Naglalaro sila.”

By ALEX V. BROSAS, November 21, 2011, Manila Bulletin

[nicky]

bakit kaya tinitira ni tito alfie pamilya ni Gov. Vi. bitter ba sya dahil walang pamasko?


Another one to watch out for: Si Luis Manzano tila nagiging Piolo Pascual, Jr. na sa mga karelasyon kuno. First, Angel Locsin. Tumalbog ang malaking bola at napasa kay Phil Younghusband!

Heto na ngayon si Luis at feeling lucky na kay Jennylyn Mercado na may anak sa iba. Well, balewala naman daw kay Lucky kahit dalagang ina si Jennylyn at magiging ta­ga­pag-alaga siya ng son ni Patrick Garcia dahil Lucky is just returning the favor to Senator Ralph Recto na bagaman anak ni Edu Manzano si Lucky sa junior dancer ni Alma Moreno ay lumaki naman ito sa piling ni Ralph.

Parang Mark Anthony Fernandez na anak ni Daboy kay Ness pero nagpalipat-lipat din ng bahay at tatay, from Dolphy to Joey Marquez. Oh debah, ang ganda ng ikot ng mundo ano po?


abante.com.ph/issue/nov2211/ent_al.htm

[jefflly]

Jen, nabigla sa pag-amin ni Luis sa relasyon

Officially ay mag-on na nga sina Jennylyn Mercado at Luis Manzano.

Nanggaling na nga ang pag-amin kay Lucky mismo. Gustuhin man ni Jennylyn na sagutin ang relationship issue ng live sa Showbiz Central, nagkasakit ito kaya via phone patch na lang siyang kinausap tungkol sa pag-reveal ni Lucky tungkol sa tunay na estado ng relasyon nila.

Inamin ni Jen na nagulat siya sa pag-amin ni Lucky sa kanilang relasyon.

“Nagulat lang ako na sinabi niya sa akin na sinabi niya na, pero hindi detailed. Basta lumabas lang siya sa isang show, so parang napag-usapan na nga ‘yung formality.

“So, iyon, nai-open lang niya sa akin. Hindi rin ako handa! Ha! Ha! Ha! Ha!” tawa pa ni Jennylyn.

“Nandiyan na ‘yan, eh. Hindi na naman niya puwedeng bawiin iyon, ‘di ba? So, okay lang din naman sa akin iyon.”

Hindi pa nga raw sila nagkakausap ulit ng ina ni Lucky na si Batangas Governor Vilma Santos-Recto. Nagbiro pa nga si Governor Vi kay Jen na balang-araw ay makakasama na nila si Jennylyn sa isang family picture nila.

“Hindi pa kami ulit nagkakausap,” mabilis na sagot ni Jen. “Ang alam ko kasi, kakabalik lang ni Tita Vi from her vacation. Marami rin kasi siyang ginagawa kaya wala pang time para magkausap kami. Soon, magkikita naman kami ni Tita Vi.”

Ayaw nga magdetalye ni Jen tungkol sa ano ang official na date kung kelan niya sinagot si Lucky.

“Ayoko nang idetalye ‘yan. Basta ang importante, masaya kami at okay ang lahat, maganda ang takbo ng lahat.

“As much as possible, ayoko nang masyadong idetalye, ayoko lang masyadong maingay. Kasi gusto rin naman namin ng privacy kahit konti, iyon. Pero hindi naman namin ipinagdadamot.”

Abante, 11/23/2011, Ruel Mendoza

[jefflly]

Jennylyn at Luis, makakabuti sa isa't isa



MALAMANG ay humupa na ang kilig ng taumbayan sa announcement nitong weekend ni Luis Manzano na sila na ni Jennylyn Mercado.

This announcement generated too much buzz like it was a wedding event, samantalang ang tunay na ikinasal ay sina Jolina Magdangal at Mark Escueta noong Monday.

Next Monday naman ang church wedding nina Kyla at Rich Alvarez.

Masaya tayo para kay Jennylyn. Ngunit di kasukat ng announcement o pag-amin ang bigat at tindi ng mga katotohanang kailangan nilang harapin as a couple to remain as a couple.

Tulad rin ng bago mong relasyon.

Tama na ang pinili mo ay taong mahal mo, may mga katangian na kahanga-hanga at karapat-dapat ng pagmamahal mo. Ganyan sina Luis at Jennylyn.

Walang dudang makakabuti sila sa isa’t isa.

Pero higit pa sa kilig ng kayo na, hanggang saan mo kayang panindigan na kayo na?

Ito ang mas mahalaga. Ito ang mas kailangang alagaan.

Tulad ni Jennylyn, may anak ka rin ba sa dating karelasyon?

Naranasan mo na rin bang umasa na sana ay for keeps na ang special someone mo o ang relasyon ninyo?

Naranasan mo na bang masaktan dahil ‘yung inaa­sahan mo na tama at dapat ay hindi niya naibigay, nagawa o napanindigan? O nasaktan siya dahil ikaw ang mali?

Naranasan mo na bang sumeryoso nang higit sa tatlong tao pero hanggang ngayon ay single ka pa rin?

O nanghihinayang ka ba na wala na siya dahil hindi mo siya sineryoso?

Gusto mo na bang mag-settle? Gusto mo na bang magbago?

Sana, seryoso si Luis kay Jennylyn. Sana, panin­digan niya si Jennylyn sa antas na ka-level ng naranasan ng mommy niya kay Sen. Ralph Recto.

Kapag nalampasan pa ni Luis ang naialay na pag-ibig ng amain niya sa mommy niya sa maibibigay niya kay Jennylyn, she and Ate Vi would end up very happy.

And Luis becomes more admirable as a man.

***

Ang sitwasyon ni Jennylyn ngayon ay hawig na hawig ng kay Ate Vi noon.

Malaking tulong na mahalin ni Luis si Jennylyn nang may paggabay ng mga lente ng karanasan, pagkatao at pagmamahal ng mommy niya.

AJ to Jennylyn is like Luis to Ate Vi.

Luis to AJ is like Sen. Recto to Luis.

Jennylyn and AJ is like Ate Vi and Luis.

Sa ganitong equation, anumang anggulo, Luis can choose to be the best man to love Jennylyn in the best way he can.

Anumang posisyon ang i-assume ni Luis para kay Jennylyn ay kakayanin niya kung babalik siya sa personal niyang karanasan bilang anak ni Ate Vi.

Luis’ past and person equips him to better understand Jennylyn’s situation today so that they can journey to forever beside each other.

Ikaw, ganyan ka rin sa taong pinili mong mahalin.

Pwede kang maging best mo para sa kanya. Pwedeng ikaw ang magbigay ng best na pagmamahal para sa kanya. Pwedeng ikaw na at wala nang iba ang best para sa kanya.

Mas choice mo iyon, kesa choice niya.

At whether hinihingi niya o hindi, sana ay ibigay mo na sa kanya.

Kung hindi mo siya talaga mahal, sana ngayon pa lang ay iwan mo na siya at huwag mo nang guluhin ang buhay niya.

Mas isipin mo sana ay kung ano ang maibibigay mo sa halip na ano ang matatanggap mo.

I hope mauwi sa kasalan at pagiging pamilya ang announcement ni Luis na sila na ni Jennylyn. I wish them the best.

I hope mauwi rin sa kasalan at pagiging pamilya ang announcement na ginawa ninyo ng taong mahal mo.

Sa Facebook status, sa tweet sa Twitter, sa harap ng kainan o sa gitna man ng inuman ninyo ginawang aminin sa pamilya at mahal sa buhay na kayo na.

Hindi man ako maimbitahan sa kasal ninyo, kasama ninyo akong umasa na kayo na pang-habambuhay.

***

Kita po tayo sa Twitter (twitter.com/#!/amKokoy)


KOJKOY BONCAN, Abante, 11/23/2011