Luis defends Jen on rumors linking her to Paolo

[nicky]

Luis Manzano defends Jennylyn Mercado on rumors linking her this time to Paolo Contis; says someone is out to ruin Jennylyn




Kamakailan lang ay itinuro si Jennylyn Mercado bilang third party sa napabalitang hiwalayan ng mag-asawang Raymart Santiago at Claudine Barretto.

Malinaw naman sa mga sumunod na pangyayari na walang kinalaman si Jennlyn sa personal na away at sa nawawalang P5million sa pagitan nina Raymart at Claudine.

Ang tanging koneksyon na nakita kina Raymart at Jennylyn ay ang pagsama nila sa cast ng early primetime soap ng GMA-7 na Futbolilits.

At sa huli, sa pamamagitan ng isang statement ay pinabulaanan nina Raymart at Claudine na hiwalay na sila. (CLICK HERE to read related story.)

Ngayon naman ay iniuugnay si Jennylyn Mercado sa problemang kinasusuungan daw ng mag-live-in partners na sina Paolo Contis at Lian Paz.

Lumabas sa mga balita na galit na galit daw si Lian kay Jennylyn dahil may "something special" na namamagitan sa aktres at kay Paolo.

Magkasama rin sina Jennylyn at Paolo sa nagtapos nang Futbolilits.

Pinalalabas sa mga report na ito na isang "homewrecker" si Jennylyn.


LUIS DEFENDS JENNYLYN. Noong Linggo, November 6, ay nakausap ng PEP.ph (Philippine Entertainment Portal) ang rumored boyfriend ni Jennylyn na si Luis Manzano sa ASAP Rocks.

Tinanong namin siya kung ano ang reaksiyon niya sa mga lumalabas na balita tungkol kay Jennylyn.

Aniya, "Nabasa ko yun, actually.

"I'm not sure kung sino ang may pakana, but obviously someone wants to bring her down.

"Alam ko kung papaano sila, dahil kahit ako, pumunta ako sa set ng Futbolilits.

"Dumalaw ako dun at kasama ko sa table sila Paolo.

"Kung sinasabi nga nila 'something-something,' bakit pa ako papupuntahin ni Jen?

"Common sense naman.

"Dumalaw ako sa Futbolilits, iisang table kami—ako, si Paolo, si Jen."

Dagdag pa ni Luis tungkol sa mga nagkakalat umano ng mga kuwento tungkol kay Jennylyn: "Ganun naman talaga.

"Sabi ko nga, yung mga ganung tao, hindi na magbabago yun.

"Hayaan na natin yun.

"Ang sa akin, it's pretty obvious that someone likes to ruin her, to get her name sa mga nali-link sa kanya.

"I'm not sure kung ano ang intensiyon.

"But, unfortunately, may mga tao kasi talagang walang magawa."


TRANSPARENCY. Nakausap na ba niya si Jennylyn at naklaro nito ang mga isyung ikinakabit dito?

"Yung kay Raymart, tinanong ko lang kung saan nanggaling yun, and kahit siya, hindi niya alam.

"I think she spoke on [Showbiz] Central, nakapag-usap pa sila kung saan nanggaling ito.

"Sinabi ko sa kanya, 'Oy, may issue ka ngayon kay Paolo!'

"Sabi niya, 'Paano nangyari yun, e, tinext ko nga si Paolo?'

"E, alam ko nga, nagte-taping ng Futbolilits. Nagkataon nagkita-kita pa sila sa mall.

"If I'm not mistaken, ninong si Paolo ni Jazz [anak ni Jennylyn] at nagkasama-sama pa sila—si Paolo, Lian, and Jen.

"Yung transparency namin sa mga issues, and ako, I also want to inform her na may ganung issues.

"I don't want Jen to be caught off guard."


"VERY UNFAIR." Para kay Luis, "very unfair" ang mga isyung ito na ipinupukol kay Jennylyn.

Pero alam daw niyang maha-handle ito ng aktres nang maayos.

"Kumbaga, alam naman niya na aspeto ng industriya talaga 'yan, e.

"Wala tayong magagawa.

"May mga tao talagang—hindi na-breastfeed, walang laman ang utak, walang gagawin kundi manira, o kaya hindi masyadong nayakap nung bata.

"Naiintindihan naman niya yun, and she handles it very, very, well."


STATUS OF RELATIONSHIP. Diretshan namang tinanong ng PEP si Luis kung ano na ba talaga ang estado ng relasyon nila ngayon ni Jennylyn.

"I am happier than ever.

"Kumbaga, things fell into place, hindi na fallen," sagot ng Kapamilya TV host-actor.

/via PEP, Melba Llanera, November 9, 2011

[nicky]

Sinisira lang daw at gustong pabagsakin ang aktres Luis Manzano, dinipensahan si Jennylyn Mercado sa pagkaka-link sa iba’t ibang lalaki

PAGKATAPOS MAUGNAY ANG pangalan sa hiwalayan raw na Claudine Barretto at Raymart Santiago, heto’t nai-involve na naman si Jennylyn Mercado sa gulong nangyayari raw sa ngayon sa relasyong Lian Paz at Paolo Contis. Lumabas ang balita na galit na galit daw si Lian kay Jen dahil may espesyal raw na napapansin na namamagitan sa kanila ni Paolo, balitang nagsimula raw ito nang magkasama ang dalawa sa taping ng nawalang programang Futbolilits.

Agad naman naming hiningan ng reaksyon tungkol dito si Luis Manzano, rumored boyfriend ni Jennylyn at dinepensahan naman agad ng TV host/actor na gawa-gawa ito ng mga tao na ang pakay ay sirain ang pangalan at pabagsakin ang aktres.

Ikinuwento ni Luis na naimbitahan siya minsan ni Jen sa set ng Futbolilits, nasa isang mesa pa nga sila nila Paolo at dito ay wala siyang napansing kahit na anong espesyal na turingan na sinasabi sa dalawa. Ayon sa aktor, ‘di siya lakas-loob na iimbitahin ng rumored girlfriend kung may tinatago ang mga ito. Lohikal nga naman kung iisipin na kung may ginagawang kalokohan ang isang tao, bakit nito ilalagay ang sarili sa isang sitwasyon na mabubuko siya o may mahahalata sa kanya?

Dagdag na depensa rin ni Luis na inaanak ni Paolo si Jazz at may pagkakataon na nagkita-kita pa nga sila Jen, Paolo at Lian sa mall at nagsama-sama. Sa tanong namin kung nasaan na ba ang estado ng relasyon nila ni Jen, pasimple ang naging sagot sa amin ng TV host na he’s never been happier than before and everything fell now in proper places. ‘Di man diretsahang sagutin, alam na namin ang gustong ipahiwatig sa amin ni Luis.

Kinumpirma niya sa amin na by November, sigurado na ang pagsisimula ng taping ng Alta. Sa ngayon ay may mga revisions lang na ginagawa sa script at aminado si Luis na excited siya sa kanyang pagbabalik-teleserye dahil matagal-tagal na rin siyang ‘di nakakaarte, pagkatapos na mapanood siya sa pelikulang In My Life kung saan nanalo siya ng ilang awards.

/via pinoyparazzi, Melba Llanera, 11/9/2011

[nicky]

OLA CHIKKA NOW na! Oh, no… oh, yes… now na! Mapapa-yes ka talaga at mapapa-no ka sa mga bonggang-bonggang chikahan. Siyempre dahil bonggang eksena na naman tayo to the maximum authority of chikka.!

Kumustahin naman natin itong si Jennylyn Mercado. Bakit kaya nali-link sa ngayon sa dalawang lalaki at two-timer pa raw ang tawag sa kanya?

Hindi natin masisi ang mga masasabi ng mga madlang people dahil kahit naman ano siguro ang gawin ni Jennylyn, okay lang, dahil single naman daw siya. Mas magiging maganda siguro kung huwag naman masyadong obvious ang pagiging close sa dalawang lala-king ‘yun, ‘di ba? Nakakaloka!!!

/via pinoyparazzi, tita swarding, 11/9/2011

[nicky]

For Jen's comments on this issue, visit her thread here!